Ин ҷаҳон чист? Санамхонаи пиндори ман аст,

Ҷилваи ӯ гарави дидаи бедори ман аст.

* * *

Лолаи ин чаман олудаи ранг аст ҳанӯз,

Ҳасрати ҷилваи он моҳи тамоме дорам.

* * *

Чанд ба рӯйи худ кашам пардаи субҳу шомро”,

Чеҳра кушо, тамом кун ҷилваи нотамомро.

* * *

Ошиқ он нест, ки лаб гарми фиғоне дорад,

Ошиқ он аст, ки бар каф ду ҷаҳоне дорад.

ИҚБОЛ

* * *

Касе к-ӯ ақли дурандеш дорад,

Басе саргаштагӣ дар пеш дорад.

Шайх Маҳмуди ШАБУСТАРӣ

* * *

Бинмой руҳ, ки боғу бӯстонам орзуст,

Бикшой лаб, ки қанди фаровонам орзуст.

Мавлоно РУМӣ