Эзид, ки зи гил биофарид Одамро,

Қобилу Ҳобил, Иқлимо зод Ҳаво.

Аз рашку ҳасад ҷудоӣ омад ба миён,

Аз рӯзи азал расид ба мо ҳаҷру азо.

* * *

Эй дӯст, чаро ту ин қадар нодонӣ?

Дар умри равон ту кай китоб мехонӣ?

Рӯзномаву журнал олами ахбор аст,

Гар ҳеҷ нахонӣ, ҳар куҷо дар монӣ.

* * *

Ҳар кас, ки ба чашми дил ҳамекард нигоҳ,

Аз қалби Ҳилолӣ бишнавад нолаву оҳ,

Дар шиаву суннӣ фарқи инсон набувад,

Дар мазҳабу дин намебинам айбу гуноҳ.

* * *

Он замони талху каҷрафтор ку?

В-он ҳаёти сахту пурозор ку?

Дар ҷавонӣ бас кашидам бори ранҷ,

Он ҷавониҳои бетакрор ку?

Шофиддин РАСУЛӢ