Аз 90 соли умрам 70 солашро ба журналистика бахшидам.

Боиси хурсандӣ аст, ки аввалин чакидаҳои хомаам дар саҳифаҳои “Гулобод тонги” (собиқ “Шарқ тонги”) рӯйи чопро дидаанд. Бо муҳаррирони он А.Раҷабов ва Н.Зайниев ҳамкору ҳамфикр будем. Насриддин Зайниев сӣ сол сармуҳаррири рӯзнома буд ва байни муштариён эҳтирому маҳбубият дошт. Барои баланд шудани адади нашри рӯзнома кӯшид. Маводи рӯзнома хонданибобу шавқовар буд. Зеро дар идораи рӯзнома журналистони соҳибтаҷриба заҳмат мекашиданд. Мактаби устоду шогирд ба роҳ монда шуда буд. Ҳоло ин анъанаи нек идома дорад. Маводи рӯзнома рангину ҷолиби диққат аст.
Аз имконияти хушбахтона истифода бурда, ҷамоа ва муштариёни рӯзномаро бо шасти камолот табрик мегӯям.

Акбар УСМОНОВ,
собиқадори матбуот, деҳаи Хоҷа Аҳрори Валӣ